TOUR |
Sala dal cussegl naziunalIl fresco da Charles Giron represchenta la Svizra originara: il Lai dals Quatter Chantuns, il prà dal Rütli e davosvart il Mythen. Ins vesa in corp d’ina dunna niva che sgola sur las nivlas. Enta maun ha ella ina frastga d’in uliver d’aur, il simbol da la pasch. 
Guglielm TellEn il 14avel tschientaner ha Guglielm Tell supportà cun success la tribulaziun dal chastellan austriac Gessler. El ha stuì tutgar cun ina frizza in mail tschentà sin il chau da ses agen figl. Tell è in erox legendar che simbolisescha la resistenza cunter la tirannia. 
Gertrud StauffacherLa legenda raquinta che l’engirament dal Rütli è vegnì fatg sin il cussegl lucid da la dunna da Werner Stauffacher che ha persvadì ses consort da furmar l’emprima allianza svizra. 
Sala dal cussegl naziunalIl Cussegl naziunal ha 200 deputads e represchenta il pievel. Mintga chantun furma in circul electoral ed elegia almain in deputà, era sche la populaziun dal chantun è sut la media naziunala ch’è necessaria per pudair eleger in deputà. Actualmain dovri 37’500 abitants per deputà (la Svizra ha totalmain circa 7,5 milliuns abitants. Ils 200 deputads èn repartids tranter ils chantuns tenor la proporziun da lur populaziun (Turitg: 34 deputads; Glaruna: 1 deputà). Ils cussegliers naziunals vegnan elegids en in’elecziun da proporz (las sedias vegnan repartidas tenor las vuschs obtegnidas da las partidas). 
Sutga dal presidentIl president maina las debattas dal cussegl, fixescha la glista da tractandas da las sesidas, maina il biro dal cussegl e represchenta il cussegl vers anora. Il president ed ils dus vicepresidents furman il collegi presidial. 
MoniturIls parlamentaris dal Cussegl naziunal voteschan cun in sistem electronic. Ils resultats èn gist suenter la votaziun visibels sin in monitur: cotschen (‡ na), verd (‡ gea), mellen (‡ abstenziun). Quest sistem segirescha ina transparenza totala da las vuschs. 
SectursIls commembers da l’Assamblea federala èn gruppads tenor lur affinitad politica cun auters commembers u gruppas da partidas sumegliantas. I dovra almain tschintg parlamentaris per furmar ina gruppa parlamentara. 
Retscha dal Cussegl dals chantuns (davosvart)Las 46 sedias en la part davos da la sala èn occupadas dals deputads dal Cussegl dals chantuns, cura che las duas chombras sa reuneschan en l’Assamblea federala (chombras reunidas). Quella elegia ils commembers dal Cussegl federal, il chancelier da la Confederaziun, ils commembers dals tribunals ed, en cas da guerra, in general. 
|